اسئله جريئه لو جرئ ادخل وجاوب !!

انا قريت الاسئله دى فى منتدى موقع الاستاذ عمرو خالد وعجبتنى اوى وحبيت انقلها لكم واتمنى اشوف اجاباتكم عليها

1: ياورد مين علمك تجرح ,,, لمن توجه هذه العباره ؟؟

2: اعتذار الرجل للمرأه ذل أم احترام للذات ؟؟

3- هل بحياتك قصة حب الان ؟؟

4- هل ترى ان الحب الاول ناجح ام فاشل ؟؟

5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

6 - اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

7 - ايهم اكثر وبصراحه استلامك للرسائل خاصه ام ارسالك للرسائل خاصه ؟
8- مارأيك بالغيره ؟

9- ماذا تقول لمن ظلمك ؟؟

10- سر لاول مره تقوله لنا؟؟

11- وجه نقد لكاتب الموضوع ؟؟

12- هل وضعك كلمة منقول لموضوع نقلته تزعجك ؟؟

13- ماهي الحيوانات التي قمت بتربيتها قبل ذلك ؟؟

14- كتاب حياتك بم تصفه في كلمات معدوده ؟؟

15- شخص تفتقده ,, من هو ؟؟ ليس شرطا ان يكون عضوا !!!!!

16- قرار اتخذته وتسرعت به ومن ثم ندمت عليه؟؟

17- لا اسمع لا ارى لا اتكلم ,, متى تطبق هذه المقوله بحياتك ؟؟

18- قم بتوجيه نصائح الى خمس اعضاء قم باختيارهم انت ؟؟

19- ماهو اكثر شي يحرجك ؟؟

20- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟

21- ملحوظه لاحظتها على عضو من الاعضاء ماهي ؟؟ ومن هو العضو ؟؟

22- شيء حدث بحياتك غير مجرى حياتك ؟؟
23- كلمة تتمنى سماعها كل يوم ؟؟

24- هل جنس كاتب الموضوع له تأثير عليك لتضع ردا ؟؟

: ياورد مين علمك تجرح ,,, لمن توجه هذه العباره ؟؟ (واحده كنت مفكراها صحبتي)

: اعتذار الرجل للمرأه ذل أم احترام للذات ؟؟(احترام للذات)

- هل بحياتك قصة حب الان ؟؟ (ايوه اعظم قصه حب (حب الله ورسوله)


- هل ترى ان الحب الاول ناجح ام فاشل ؟؟ حب الزوج اكيد ناجح ---ليه ناجح-----علشانه قائم علي علاقه شرعيه

- رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

حب الله ورسوله

العائله

المستقبل المهني

المال

اما الصديق(اتلغت الكلمه دي خلاص من حياتي)

- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

هلغي كل حاجه حرام فيه(زي الاغاني والافلام وصور النجوم) وهعمل رقابه شديده علي الصور

وهعمل قوانين للرد

علشان متبقاش سبهلله كده

كل بنت داخله تهزر مع ولد وكل ولد داخل يهزر مع بنت

يعني مش عايزه خضوع في القول

همسح موضوع كرسي الاعتراف لان كل ولد عايز يعرف عن اي بنت حاجه(حياتها الخاصه) يدخل يسألها وهي تجاوب عليه

اكنهم بيتكلموا شات

والبنت تقولك ايه !!انا مش بكلم ولاد علي الماسنجر ---------ما انتي كده بترد علي اسئلته اللي هتكون هي هياها لو اتكلمتوا علي

الماسنجر!!!!!!!!!!!

ربنا يهديني ويهديهم

- ايهم اكثر وبصراحه استلامك للرسائل خاصه ام ارسالك للرسائل خاصه ؟ الاتنين بمعدل واحد واصلا نادر اما برسل ونادر اما بستقبل

- مارأيك بالغيره ؟

الغيره في التعليم حلوه بس لو متقلبتش لحقد

ماذا تقول لمن ظلمك ؟؟(ربنا يسمحك)

سر لاول مره تقوله لنا؟؟(والله الذي لا الاه الا هو اني احبكم في الله)


- وجه نقد لكاتب الموضوع ؟؟ صعب اوي السؤال ده يامرمر

انا مش عارفه اجاوب بس صدقني اما اعرف ادخل واقولك

- هل وضعك كلمة منقول لموضوع نقلته تزعجك ؟؟

بصراحه ساعات وساعات


- ماهي الحيوانات التي قمت بتربيتها قبل ذلك ؟؟ لسه مربتش

كتاب حياتك بم تصفه في كلمات معدوده ؟؟

كتاب واحده تايهه مش لاقيه نفسها


شخص تفتقده ,, من هو ؟؟ ليس شرطا ان يكون عضوا !!!!! خالي الله يرحمه انا مشفتهوش بس العيله كلها بتحكي عليه حلو

قوي وحاسه انه لو كان عايش كنا هنبقي اصحاب قوي


قرار اتخذته وتسرعت به ومن ثم ندمت عليه؟؟

القرار اني صحبت واحده ومشيت معاها وفكرتها بجد صحبتي وبعد كده اكتشفت انها بتخدعني (ربنا يسمحها ويسهلها)

لا اسمع لا ارى لا اتكلم ,, متى تطبق هذه المقوله بحياتك ؟؟

لما اخواتي يطلبوا مني حاجه ومتكنش علي مزاجي



- قم بتوجيه نصائح الى خمس اعضاء قم باختيارهم انت ؟؟

1/مرمر اقبضي علي دينك فالقبض علي الدين كالقبض علي الجمر واجتهدي قوووووووي في مزاكرتك اثبتي للناس كلها غلطهم لما

بيقولوا ان الملتزمين في دينهم مش ناجحين في حياتهم العلميه يعني عايزه السنه الجايه امتياز وافتكري انك وعدتيني في موضوع

مبرووك


2/كتكوته/ خلي بالك من نفسك وحافظي علي مني صحبتك علشان مش هتلاقي زيها في الدنيا دي

3/اوشا/ خلي عندك امل

4/ بوسي/ اهم حاجه في المرحله الجايه في حياتك قربك من ربناورضاه عليكي

5/مون لايت/ لا تتخيّـلي كل النــاس ملائكة فتنهار احلامك .. ولاتجعلي ثقتك

بهم عميـــاء .. لأنكي ستبكي يومـــا على سذاجتك


ماهو اكثر شي يحرجك ؟؟ اما اكون عامله حاجه تغضب ربنا بكون محروجه قووووي لما اروح اصلي بعدها

لو الزمان عاد يوما ماالشي الذي ستفعله مره اخرى؟ هابعد عن واحده كنت مفكراها صحبتي

ومالشيء الذي لن تفعله مره اخرى ؟؟ مش هصاحبها
ملحوظه لاحظتها على عضو ه من الاعضاء ماهي ؟؟ ومن هي العضو ه؟؟ (aa_pp)ملاحظه غيابها الايام دي عن المنتدي

شيء حدث بحياتك غير مجرى حياتك ؟؟ مواقف واحده صحبتي معايا خلتني افهمها صح واعرف ان مفيش حاجه اسمها اصحاب وان

الكلمه دي انقرضت من زمااااان


كلمة تتمنى سماعها كل يوم ؟؟

(ربنا يسترها معاك)(دي دعوه ماما ليا)

هل جنس كاتب الموضوع له تأثير عليك لتضع ردا ؟؟

ايوه

لوكان ولد مكنتش هرد

تم تحرير المشاركة بواسطة حبيبه الرحمن: Jul 23 2007, 06:57 PM

انا جرىء و هجاوب وربنا يستر.

1- طبعا اللى حبتها وجرحتنى.

2- أحترام للذات و الاعتراف بالحق فضيله.

3- لا

4- مش مع كل الناس ناجح ومش مع كل الناس فاشل بس معايه انا كان نفسى ينجح بس الحمد لله نصيب.

5- العائله - الصديق - المستقبل المهنى - الحب - المال.

6- مش عارف بس كنت هحاول اخليه احسن من دلوقتى واحاول ارضى كل الناس اللى فيه واغير الاستايل بتاعه.

7- دلوقتى استلامى للرسائل الخاصه الاول كنت انا اكتر واحد بيبعت رسائل .

8- الغيره شىء طبيعى بس الغيره درجات عند الناس بس عندى هتكون صعب شوية لانى بغير اوى على الانسانه اللى بحبها.

9- الله يسمحه .

10- كنت هسافر من غير علم اهلى بس كنت هرجع تانى.

11- الاسئله فيها صعب كتير جرام عليك .

12- لا طبعا علشان كل واحد يأخذ حقه.

13- كلب .

14- تعب و حزن و جرح والعمل الشاق والفرح و الاكتئاب بس عده الحمد لله على كل الاحوال.

15- بابا .

16- حوار دار بينى وبين والدى فى الهاتف وهو مسافر وتعبه جدا وندمت عليه جدا.

17- لم اعمل خير ومش عايز حد يعرفه ولا انا افتكره.

18-
كتكوتة . ادخلى كلية بتحبيها حتى اذا كانت بسيطه.
اوشا . ادخلى كلية تحبيها و هيا هترفم من معنوياتك.
بوسى .الثانوية صعيه زكرى كويس علشان تختارى كليتك بايدك.
المحلاوى . أرجع المنتدى محتاجك البعد مافيش منه مكسب.
مرمر . فأضل خطوتين على بداية الطريق اللى انتى عايزه كملى زى الاول واحسب رنبا يوفقك.

19- ان بنت تكلمنى فى الشارع او فى الكلية.

20- مش هخلى بابا سافر تانى. انى اضحك على البيت كله واعمل انى بموت وهما اللى كان بيموت بجد من الرعب عليا.

21- المغامر . مش بيدخل المنتدى من زمان خالص.

22- حبيت انسانه غيرت حياتى كلها.

23- اسمع اسمى من ابويا كل يوم بس هو مسافر.

24 - لا.

السلام عليكم ورحمة الله وبركاتة

1: ياورد مين علمك تجرح ,,, لمن توجه هذه العباره ؟؟ مفيــــــــش

2: اعتذار الرجل للمرأه ذل أم احترام للذات ؟؟

والله دا بيتوقف على طريقة الاعتذار نفسها ومنها اقدر احدد


3- هل بحياتك قصة حب الان ؟؟ نو

4- هل ترى ان الحب الاول ناجح ام فاشل ؟؟ مش عارفة ممكن اة وممكن لا

5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

الصديق

العائلة

الحب

المستقبل المهنى

المال


6 - اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

اول قرار انى هغير الاستايل ..هههههههههههههههههههه

7 - ايهم اكثر وبصراحه استلامك للرسائل خاصه ام ارسالك للرسائل خاصه ؟ استلامى



8- مارأيك بالغيره ؟ طبعا حاجة جميل و ودليل عن الحب بس لما تزيد عن حدها بتيقى صعبة اوووووووى

9- ماذا تقول لمن ظلمك ؟؟ اقولهم ان ايلى بيظلم بيجى اليوم وبيتظلم فية هوا كمان

10- سر لاول مره تقوله لنا؟؟ عادى مفيش

11- وجه نقد لكاتب الموضوع ؟؟ مش نقد دا شكر ليكى يا مرمر بجد عاملة شغل جامد ربنا يخليكى

12- هل وضعك كلمة منقول لموضوع نقلته تزعجك ؟؟لا طبعا اهم حاجة ان الموضوع يبقى حلو ويفيد الناس ومش مهم حكاية منقول علشان اساسا لو دخلت اى منتدى هتلاقى نفس المواضيع فى كلة

13- ماهي الحيوانات التي قمت بتربيتها قبل ذلك ؟؟ مفيش حيوانات بس انا كنت بربى حمام مع اخواتى

14- كتاب حياتك بم تصفه في كلمات معدوده ؟؟ بجد هوا شريط ذكريات يمكن انا عندى اقعد لوحدى افتكر حاجات اكتر حاجة بحبها مع انها بتدى للناس انطباع عنى انى انطوائية على العكس خالص

15- شخص تفتقده ,, من هو ؟؟ ليس شرطا ان يكون عضوا !!!!! مفيش

16- قرار اتخذته وتسرعت به ومن ثم ندمت عليه؟؟ لا مفيش بالرغم من انى سريعة فى كل حاجة بس بيكون وضع خاص عند القرارات بيبقى فى تفكير ونظرة مستقبلية وكدا

17- لا اسمع لا ارى لا اتكلم ,, متى تطبق هذه المقوله بحياتك ؟؟ عمرى مكنت كدا وعمرى مهكون محبش اكون شخصية هامشية

18- قم بتوجيه نصائح الى خمس اعضاء قم باختيارهم انت ؟؟

حبيبة الرحمن؟بجد خليكى كدا ومتتغيريش بس تبصى للحياة احسن

اوشا؟ ان شاء الله هتدخلى كلية فنون جميلة

بوسى؟اوعى تحولى الا بعد تفكير كبير دا مصير ومستقبل

مرمر؟افضلى كدا عالطول كدا عسل خالص

باسوم؟ياريت يكون تواجدك معانا بصفة مستمرة


19- ماهو اكثر شي يحرجك ؟؟ ان واحدة تقابلنى وتكلمنى واكون عارفها للكن مش فاكرة اسمها

20- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟ ايلى هعملة انى مش ادى الامان لاى حد ادامى

وايلى مهعملوش الثقة الزايدة فى اى شخص

21- ملحوظه لاحظتها على عضو من الاعضاء ماهي ؟؟ ومن هو العضو ؟؟

اة عالطول كنت بلاحظ على ولاء انها اول ما تدخل تقوم تسال على كرسى الاعتراف مع ان مفيش لها مشاركات على مواضيع تانية كتير

22- شيء حدث بحياتك غير مجرى حياتك ؟؟ ان اهلى غصبوا عليا اكتب كلية بكهرها جداا ودا كان قبل ما انزل اكتب الرغبات ب5 دقايق كدا .......طبعا كانت صدمة العمر كلة


23- كلمة تتمنى سماعها كل يوم ؟؟ الحمد الله

24- هل جنس كاتب الموضوع له تأثير عليك لتضع ردا ؟؟ لا انا لما برد ......برد على الموضوع ومليش دعوة بقى بجنس ايلى عاملة

انا مش جريئة بس بحب المجازفة
1/ مفيش
2/ اذا كان غلطان هو يبقي احترام للذات
3/ لا
4/ علي حسب ندوج عقل الراجل والمراة
5/ الصديق
الحب
العائلة
المستقبل المهني
المال
6/ حغير الاستيل واعمل رقابة علية
7/ استلامي
8/ الغيرة حلوة لما تكون معقولة لكن لما تكون زيادة عن حدها بتبقي تخنق
9/ اقول لة حسبي الله ونعمل وكيل فيك
10/ مفيش
11/ مفيش لائن الموضوع جامد جدا
12/ لا متزعجنيش المهم الموضوع يكون حلو
13/ انا ربيت بغبغانات صغيرة لكن مفيش حيوانات ربيته
14/ حزن وفرح واكتاب
15/ مفيش
16/ انا متسرعة جدا واكيد اخدت قرار ندمت علية بس انا مش فاكرة دلوقتي
17/ لما حد يقولي سر ويكون مش عايز يعرفه لحد غيري
18/ اوشا يا رب تتخلي فنون جميلة
بوسي متكونيش مترددة في اختيارك لعلمي رياضة ان شاء الله ربنا حيوفقك
كتكوتة يا رب يوفقق ويخلي مواضيعك دايمن حلوة زي ماهية
19/ الخيانة والندالة
20/ معرفش علي حسب اللي حصل في اليوم ومكنش عاجبني وكنت عايزة اغيرة
21/ مفيش لائني لسة جديدة في المنتدي
22/ مفيش
23/ الحمد لله
24/ لا طبعا انا ببص علي اسلوب الكتابة

بجد موضوع حلو اوى يا مرمر

1: ياورد مين علمك تجرح ,,, لمن توجه هذه العباره ؟؟
مفيش

2: اعتذار الرجل للمرأه ذل أم احترام للذات ؟؟
احترام

3- هل بحياتك قصة حب الان ؟؟
لا


4- هل ترى ان الحب الاول ناجح ام فاشل ؟؟
ممكن يكون ناجح و ممكن يكون فاشل

5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!العائلة - الصديق - المستقبل المهنى - الحب - المال

6 - اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
حاحاول ارضى كل الاعضاء واعمل اى حاجة اعرفها تكون مفيدة و متكونش موجودة فى المنتدى

7 - ايهم اكثر وبصراحه استلامك للرسائل خاصه ام ارسالك للرسائل خاصه ؟
استلامى

8- مارأيك بالغيره ؟
ساعات بتبقى حلوة وساعات لا يعنى لما تبقى زيدة عن حدها مش بتبقى حلوة وبتخنق

9- ماذا تقول لمن ظلمك ؟؟
ربنا يسامحك

10- سر لاول مره تقوله لنا؟؟
مفيش

11- وجه نقد لكاتب الموضوع ؟؟
مفيش نقد انا بشكرك عشان بجد اسئلة حلوة اوى

12- هل وضعك كلمة منقول لموضوع نقلته تزعجك ؟
لا المهم انه يكون مفيد و يفيد الناس وخلاص

13- ماهي الحيوانات التي قمت بتربيتها قبل ذلك ؟؟
واللهى كان عندى عصافير و طارو خلاص

14- كتاب حياتك بم تصفه في كلمات معدوده ؟؟
ذكريات و حزن وفرح

15- شخص تفتقده ,, من هو ؟؟ ليس شرطا ان يكون عضوا !!!!!جدى

16- قرار اتخذته وتسرعت به ومن ثم ندمت عليه؟؟
انى كنت وثقة فى وحدة صحبتى و الظاهر انها مش صحبة اصلا

17- لا اسمع لا ارى لا اتكلم ,, متى تطبق هذه المقوله بحياتك ؟؟
لما يكون فى موقف معجبنيش و مش عيزة ارد عليه

18- قم بتوجيه نصائح الى خمس اعضاء قم باختيارهم انت ؟؟
اوشا :- خلى عندك امل فى كل حاجة
كتكوتة :- فين مواضيعك الحلوة عايزنها تيجى تانى
مرمر :- ميرسى جدا على التوبيك الجامد ده و عايزين مزيد من التقدم
حبيبة الرحمن :- يارب تفضلى تفيدينا بمواضيعك كده علطول بجد مواضيعك حلوة اوى
باسوم :- شكرا على نصيحتك ليا اوى و ربنا يوفقك يارب فى دراستك دايما و اتمنالك مزيد من التقدم

19- ماهو اكثر شي يحرجك ؟؟
لما اتسال سؤال معرفش اجابته خالص

20- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
الشئ الى حفعله ان اعمل حاجة كنت فرحانة جدا وانا بعملها و الشئ اللى مش حعملوه انى مديش ثقتى لحد من صحابى بسرعة

21- ملحوظه لاحظتها على عضو من الاعضاء ماهي ؟؟ ومن هو العضو ؟؟
ان ولاء مبقتش بينة خالص يارب يكون السبب خير

22- شيء حدث بحياتك غير مجرى حياتك ؟؟
ان لما بيبقى فى حاجة شغلانى مببقاش مركزة فى اى حاجة تانية ودى بتشغلنى كتير جدا عن مزاكرتى

23- كلمة تتمنى سماعها كل يوم ؟؟
الحمد لله وربنا يستر

24- هل جنس كاتب الموضوع له تأثير عليك لتضع ردا ؟؟
لا عشان انا ببقى برد على التوبيك نفسه ومش بشغل بالى بالعضو اللى عامل التوبيك

اولا بشكركم كلكم على ردودكم وتفاعلكم معايا وبقولكم كلكم ربنا يوفقكم يارب وباسوم عاوزين نشوفك اكتر
1: ياورد مين علمك تجرح ,,, لمن توجه هذه العباره ؟؟
لجيل الكبار امثال بابا وماما لما يقولوا ان جيلنا ده جيل فاشل!!

2: اعتذار الرجل للمرأه ذل أم احترام للذات ؟؟
طبعا احترام للذات

3- هل بحياتك قصة حب الان ؟؟
ايوه قصه بدأت معايا من ساعه ما اتولدت واتمنى تفضل العمر كله يارب متحرمنيش من النعمه دى (حب ربنا طبعا) (IMG:http://www.1masry.com/out/?link=http://www.1masry.com/forum/style_emoticons/default/sleep.gif)

4- هل ترى ان الحب الاول ناجح ام فاشل ؟؟

حب الله انجح حب فى الوجود وطالما بحب ربنا ورسوله (صلى الله عليه وسلم ) يبقى ناجح ان شاء الله انما اى حب تانى مفيهوش علاقه رسميه ميبقاش حب معلش دى مشاعر محرمه (اعذرونى ده تفكيرى)

5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
العائله -الحب -المستقبل المهنى -الصديق-المال

6 - اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
اول قرار الغاء كل ماهو حرااااام

7 - ايهم اكثر وبصراحه استلامك للرسائل خاصه ام ارسالك للرسائل خاصه ؟
استلامى

8- مارأيك بالغيره ؟
حلوه فى التعليم كويسه فى الحب بشعه بين الازواج لو زادت اوى عن حدها

9- ماذا تقول لمن ظلمك ؟؟
حسبى الله ونعم الوكيل

10- سر لاول مره تقوله لنا؟؟
اول يوم رحت الكليه ورجعت قلتلهم فى البيت انا هحول اداب اعلام قالولى انتى اتجننتى بقى من فنون جميله لآداب ..طبعا اعتبروا الموضوع سر ومحدش عرف بيه وادينى قلتلكم عليه

11- وجه نقد لكاتب الموضوع ؟؟
مبحبش انقد نفسى انما بشكر اللى كتب الموضوع بجد لانه زى ماقلتلكم انا ناقلاه

12- هل وضعك كلمة منقول لموضوع نقلته تزعجك ؟؟

بالعكس انا ببقى حريصه انى اأدى الامانه وانقلها بكل موضوعيه ولازم كلمه منقول

13- ماهي الحيوانات التي قمت بتربيتها قبل ذلك ؟؟
مربيتش حيوانات قبل كده لكن بينى وبينكم وانا ف تالته ابتدائى كنت مهووسه بال (IMG:http://www.1masry.com/out/?link=http://www.1masry.com/forum/style_emoticons/default/blush.gif) (خنافس) اه بجد وربيت اتنين وكنت بأكلهم سكر لغايه اما ماتت واحده وزعلت اوى عليها (IMG:http://www.1masry.com/out/?link=http://www.1masry.com/forum/style_emoticons/default/unsure.gif)

14- كتاب حياتك بم تصفه في كلمات معدوده ؟؟

كتاب ملئ بالمغامرات لفيت بلاد كتير وفخوره انى مصريه ومعتزه اوى بيها وفخوره اكتر بانى مسلمه الناس بتشاور عليا وتعرفنى من زيى الاسلامى

15- شخص تفتقده ,, من هو ؟؟ ليس شرطا ان يكون عضوا !!!!!
الضمير

16- قرار اتخذته وتسرعت به ومن ثم ندمت عليه؟؟
قرار رفض منحه فى ايطاليا بجد كنت عاوزاها لكنها هتعطلنى سنه عن الدراسه فاهلى رفضوا بس الحمد لله نصيبى (IMG:http://www.1masry.com/out/?link=http://www.1masry.com/forum/style_emoticons/default/unsure.gif)

17- لا اسمع لا ارى لا اتكلم ,, متى تطبق هذه المقوله بحياتك ؟؟
لما يكون فى نقاش او خلاف او كلام مابين والدى ووالدتى مبحبش اتدخل وبعمل ودن من طين والتانيه من عجين

18- قم بتوجيه نصائح الى خمس اعضاء قم باختيارهم انت ؟؟

اوشا هنبقى زملاء
كتكوتا الخيره فيما اختاره الله
حبيبه ربنا يخليكى وميحرمناش منك ابدا
ميرو ربنا يوفقك فى حياتك كلها
بوسى جميله اوى متتردديش وقررى حياتك بنفسك وحسب امكانياتك واثبتى للكل انك قدها

19- ماهو اكثر شي يحرجك ؟؟
لما انسى حاجات المفروض متتنساش

20- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟

لو بقى كنت هاعمل نفس اللى عملته اصل الزمن مبيرجعش

21- ملحوظه لاحظتها على عضو من الاعضاء ماهي ؟؟ ومن هو العضو ؟؟

المغامر راح فين !!
22- شيء حدث بحياتك غير مجرى حياتك ؟؟
دخولى الكليه فتحلى عقلى بجد

23- كلمة تتمنى سماعها كل يوم ؟؟
ربنا يسترها معاكى دنيا واخره دعوه من حد قلبه كل حنان

24- هل جنس كاتب الموضوع له تأثير عليك لتضع ردا ؟؟
والله متفرقش كلنا انسان